楊千嬅、吳彥祖、黃偉文及DJ森美等，昨日於新蒲崗拍攝電影《新紮師妹》，由於正值午飯時間，故吸引了大批學生圍觀，起初千嬅不時向fans打招呼，未幾數位穿上校服的學生竟隔着圍欄向千嬅大叫道：「High唔high天（揩天拿水）呀？食唔食煙？」千嬅聽罷即笑言：「我諗佢哋係呢度啲『土著』，唔係我啲fans。」
千嬅在戲中飾演卧底女警，並與黑幫之子吳彥祖發生感情，由於吳彥祖身形高大，千嬅笑說：「拍我哋兩個戲分嘅時候，我都要用木箱同沙包墊高企，而吳彥祖亦分開兩隻腳企嚟就我。」
在《勁歌》的「最受歡迎女歌星」獎中，千嬅只屬冷門，她說：「我啲fans唔會攞我去賭㗎！每年頒獎禮就好似賭馬咁，自己就一賠十幾，冷到咁，叫佢哋出年先買囉。」
採訪：王崇穎 攝影：仇志德