華裔小姐冠軍盧淑儀前晚與友人現身馬場，但原來她甚少到馬場賭馬。盧淑儀表示：「我好少入場，而且我都唔識賭，都係入嚟玩吓啫。」問她可有贏過錢？她笑說：「我次次都係買十至二十蚊咋，不過試過一次我生日入馬場，結果就贏咗二百蚊囉。」
至於她的新年大計，盧淑儀說：「我啱啱拍緊一部叫《風流家族》嘅戲，入面我係做一個同性戀者，暗戀我個老友盧巧音。」盧淑儀坦言自己身邊都有不少同性戀朋友，對揣摩角色亦有幫助。
談到感情生活，盧淑儀表示：「𠵱家我都以工作為先，拍拖呢啲嘢唔諗住喇。」
採訪：DebbieLum、JessicaNgan
攝影：EdwardChou、WongManShing