黃秋生在新碟《BadTaste》中，大玩模仿偶像歌手形象，連莫文蔚和古天樂亦不能幸免，目的除了搞笑之外，秋生還希望諷刺時下的偶像文化。
黃秋生有五年沒有出碟，昨日他推出個人大碟《BadTaste》，並於中環藝穗會舉行記者會，邀請黃耀明任特別嘉賓，二人即場合唱一曲。
秋生的新碟內以十個不同造型示人，所有都是大玩其他歌手大碟的造型，並加以改造，效果惹笑非常，其中包括腩肉郭富城。昨日記者會再展示其他未曝光的造型，包括模仿莫文蔚、鄭伊健和古天樂等。
秋生把莫文蔚早前《一朵金花》的保鮮紙look圖片，改造成赤裸上身，用保鮮紙包着一條鹹魚，手拿一隻臘鴨；他還扮古天樂，在臉上加上「八婆癦」。
問秋生怕不怕惹起歌手不滿？秋生說：「唔怕，都係幽默啫！除咗幽默，我係想帶出一個訊息，偶像文化係一種諷刺，我係針對事，唔係針對人。」
秋生續說：「好似早排有個調查，指出青少年心目中第一位嘅人竟然係陳慧琳，父母就分別排喺第六及第九位。如果我係偶像，我就唔係幾開心，你話偶像對社會有乜貢獻呀！呢個風氣真係唔係幾好。」
而秋生大碟中有三首歌都有粗口，例如《男人40無得撈》一曲中，有「嗌句老×土」；《大佬》一曲則有「大×鑊」；《黑白亂講》則有「你條×樣」，故大碟有警告封條。秋生說：「其實音樂係冇分有粗口同冇粗口㗎，可以傳情達意就得啦。」
採訪：胡比攝影：王光鴻