禁毒專員盧古嘉利自從做咗國際性打擊清洗黑錢財務行動特別組織嘅主席後，少不免要飛嚟飛去，「九一一」後唔少人聽到搭飛機都驚，但佢就本着大無畏精神，履行任務。
好似舊年十月特別組織為九一一事件喺華盛頓召開會議討論打擊恐怖分子融資，個會無論地點或議題都同樣咁敏感，出發個朝，盧太十一歲嘅女兒鎖住盧太喺間房度，喊住咁唔俾佢去。後來去到華盛頓，美國政府派出防彈車同保鑣二十四小時睇住佢同啲同事，都咪話唔緊張。後來佢又喺美國轉機去多明尼加共和國開會，同一班次嘅飛機就係後來墜落紐約皇后區嗰架，真係一額汗。
E-mail：