經紀李近日又有大Project，準備向大老細獻計，計劃名叫「維園代代木」，大食Jack聽後一頭霧水。且聽經紀李解釋：「代代木係日本東京好出名嘅地方，嗰度有個代代木公園，同維園一樣咁靚，不過就冇波踢！有時星期日就喺度搞跳蚤市場，幾百檔地攤位乜都有得賣，反應好熱烈，一搞親都有幾萬人！」
「而搞跳蚤市場幕後其實係間公司仔，每逢假期就四出在日本唔同地方搞地攤，只負責租地攤畀人同管理秩序，唔會自己賣嘢，因為呢幾年日本經濟唔掂，好多人都肯放低面子出來擺地檔。香港咁多負資產，照辦煮碗搞地攤實大把人來租檔，賣吓家電、電視遊戲機，屋企唔着嘅名牌。掂呀！」經紀李手舞足蹈解釋。
經紀李計劃頭炮喺維園，佢坦言星期日見到咁多菲傭聚集，十足十菲律賓版代代木，𠵱家正向康樂及文化事務署遞申請書，再搵大老細關照搞宣傳，然後再巡迴舉行，例如沙田中央公園，荃灣海濱走廊，經紀李果然好橋！
主持人：大食Jack
八卦熱報：