香港男士俾人話係世界最差情人，噚日就有位香港男士Daniel張「吐氣揚眉」，越洋喺澳洲阿德萊德一份報紙登咗全版廣告，向啱啱重逢嘅洋女友MelPappin求婚，廣告內容係「我是那麼那麼的愛你……沒有你，我的生命便沒有意義。請嫁給我。（Iloveyouso,somuch...Itismeaninglesswithoutyouinmylife.Pleasemarryme.）」佢女友應該好冧啦！
Daniel對八方話，佢同阿Mel十四年前喺學校相識，後來兩人已成為男女朋友，但一年前嘅誤會「實在太大喇！」令佢哋冇再聯絡，上星期Daniel重返阿德萊德與Mel重逢，「雙方都意識到大家仍然愛對方」，所以求婚。
Daniel前晚已經返咗香港，外國通訊社搵佢唔到，竟然質疑佢刊登全版廣告，嗰頭又走咗去。唉！唔使搵食咩！都要畀時間女方諗吓㗎。（圖﹚香港人Daniel張喺澳洲登全版求婚廣告，估計最少花費萬幾二萬蚊港幣。
E-mail：