張柏芝為仁濟表演飛車受傷，此事勾起無綫前藝員李文標的往事，並表示感同身受。李文標自言八年前演出無綫劇《群星會》跳彈牀戲分時，尾龍骨受挫，他自付跌打醫藥費後，更遭無綫離棄。
為仁濟表演飛車致胸椎骨第十二節碎裂的張柏芝，至今仍留院醫治，昨日本報接獲無綫前男藝員李文標的傳真資料，表示自己感同身受。
李文標昨日在電話訪問中透露，他於八年前為無綫劇集《灰網》演出一場「鍊」電單車戲分時，應導演要求親自上陣，導致意外發生，他說：「我提議由特技人做，不過導演話會見到我個樣，咁我就拍啦！架電單車係『劏車』嚟嘅，零件壞晒，嗰次我就撞咗埋石壆度，震到個頭，背脊傷咗，重住咗四日醫院㖭。」
李文標續表示，在他出院的數月後，無綫再要求他在劉德華及溫兆倫有份演的劇集《群星會》中，拍攝跳彈牀戲分，他再一次因工受傷。
李文標說：「其實當時我背脊嘅傷都未好番，個武術指導叫我跳彈牀，我打前空翻嗰陣時，個頭直插落彈牀度。醫生話我條尾龍骨傷咗，肌肉撕裂，我住咗成八個月醫院。
「出院之後，無綫猛叫我休息，唔畀我開工，無綫藝員部話我唔夠騷，同我一筆勾銷啦。呢次柏芝受傷，我都戥佢覺得唔抵。」
雖然李文標獲無綫付足八個月醫藥費賠償，但多年來他卻要自付跌打費，又要忍受舊患發作的痛苦。而他更稱曾多次致電及去信無綫，希望無綫與他再簽藝員約，不過藝員部每次都回覆「暫時唔啱用」，故他氣憤地說：「無綫好絕，乞人憎，唔好叫無綫，叫無良電視台啦！」
採訪：朱芷瑩