荷蘭大經紀ING霸菱噚日開記者會，搵兩名分析師指點今年股市走勢，點知其中一位分析師講咗無幾耐，記者席後排突然發出隆隆巨響，成個攝影機的腳架瞓低咗。
原來三色台個攝影師遲到，匆忙擺腳架，擋住《亞洲華爾街日報》的外籍記者。
外籍記者「出手」示意三色台個攝影師借過，但就有人大叫大喊，話俾人打咗一鎚。在言語不通的情況下，外籍記者完全無力還口，攝影師之後氣沖沖去報警，兩名軍裝警員隨即到場了解情況，攝影師之後去了驗傷。
類似衝突八方見過無數咁多，誰是誰非行內人早有公論，但最無辜嘅一定係ING兩位分析師，無端端由主角變成配角。
E-mail：