喺今屆底特律車展上，充斥着多款唔同類型嘅SUV車，除有早前曾經介紹過嘅凌志GX470外，富士亦於會場內展出一款名為Baja嘅新車；其獨特嘅造型及實用嘅車廂配備，全都叫車迷為之讚歎不已。
從相片中可以睇到，將於今年九月於美國推出嘅Baja，車首造型與同廠嘅Legacy相近；但車尾則採用Pick-up尾斗設計，運送行李或貨物除變得輕鬆又方便外，加上尾斗嘅容量甚大，就算用作運送單車都無問題㗎。車廂布局又見空間寬敞、乘坐十分舒適㖭。
而廠方則為新車配用一台2.5公升水平對向四汽缸偈，馬力有165匹，而扭力則為23.0kgm/4000rpm，用以驅動此車可謂綽綽有餘；未知當新車正式推出時，本港嘅車迷有無機會見到佢嘅真身呢？