新iMac日前已於美國三藩市曝光，亦成為近期MacFans的熱門話題，筆者前日走訪幾位超級MacFans，有人說它是驚世之作，有人話碟機設計並非食碟式不夠型仔，眾人議論紛紛，唯一意見相同的，就是價錢抵玩，難怪實物尚未現身，有舖頭已經接到三十幾張定單！
記者：周麗懿 攝影：陳穎
問Forest對iMac的感覺，他說：「傳聞真係幾準確，的確係幾似枱燈，換上LCD都係『走唔甩』，不過佢嘅活動性就幾令我意外，技術上的確係一個好大嘅improvement。」不過，這個「大躍進」又令Forest有隱憂，就是活動過度導致損耗，但這就要經時間的考驗了。
以新機的性能來說，他估計最能吸引一班Lowendprofessional和優皮一族，「其實全線iMac改用G4處理器都係一個大突破，而且速度追得上PowerMacG4733MHz，以最頂級型號來講（G4800MHz加Superdrive），可以燒DVD-R，係屬於比較Pro的玩家玩意，未必適合一般玩家，但由於沒有PCI插槽，擴充方面未能滿足專業用家嘅需要，Screen方面亦不夠大。」至#於價錢，Forest就話不算貴，「逐樣拆散計，LCD加Superdrive已經8千幾，加上其他硬件如處理器和軟件等，相對來講絕對不算貴。」
阿緣最驚歎的是主機部分：「主機咁細，但係硬件規格可以咁高，真係好高技術，驚喜好大。」用緊PowerMacG4的他，認為三款型號價錢都好抵，「𠵱家PowerMac和iMac的距離拉近咗，不過用開PowerMacG4嘅人都未必會轉款，因為係擴充性嘅問題，我自己就通常用來做Video、Graphic呢啲比較Heavy啲嘅工作，如果買新iMac嘅話都係當收藏品。」
見過新iMac後，阿棋話：「靚，出到來同自己expect嘅都好唔同，好有impact，有錢嘅話一定會買。」用緊PowerMacG3的阿棋話，如果買一定揀最頂級的型號，「因為可錄式DVD嚟緊會係一個trend，而且機價可以話絕對超值，買定都差唔多。」
SteveJobs的Keynotes，黃先生當晚亦上網睇通宵，當然亦沒有失望。「畀到好大驚喜，我覺得新iMac下面好似個麵包咁，上面就擺個LCD，個樣好可愛。」講到咁得人鍾意，又會不會買呢？「雖然價錢係好抵，不過就唔會買。」無他，從事設計工作的黃先生，認為PowerMacG4的設計始終較適合工作需要，睇嚟新設計都好難滿足晒所有用家的要求。
新iMac個款好似梳妝枱盞燈咁，相信會啱女性用家多啲。論外形同機能可算比現今桌面型嘅PowerMac更吸引，價錢亦算公道，由於我已經有部PowerMacG4，擴充性反而冇所謂。我之前都貪靚買咗部Cube，今次都想入貨，不過家陣市道唔好，若果新iMac能夠平番少少，相信我都會買番部作收藏之用。
據皇室堡DesignerGroupCompanyAppleCenter的負責人表示，這兩天已經接了三十多個客的定單，預計「後市」向好。至於舊iMac，由於蘋果電腦已經不再生產，所以只會賣清貨尾，而AppleCenterViewconSystems亦即時減價清貨，最平的一部iMac只賣$4,999，配備G3500MHz，64MBSDRAM和20GB硬碟，而且內置CD-RW，想執平貨就要快。
AppleCenterViewconSystems：27283865
DesignerGroupCompanyAppleCenter：25044122