大編輯晒命：「第十三個月糧都未使完，第十四個月又嚟，唔知點算？」咁嘅時勢下重出十四個月糧，恨死隔籬。後來大編輯請客到新兜記，總算有良心。席間請教大編輯日圓貶值，對時下流行嘅水貨有冇影響？原來佢正做緊一篇相關報道，一於先聽為快。「好多人以為貶值後，高水入落啲貨就被迫壓住，如果隨大圍賣低價又會蝕水，實在大錯特錯。
「無論做AV、雜誌、玩具定係衫褲嘅水貨老闆不嬲固定做七、八算起，有啲重做到十一算，點會隨匯率降價咁老實？所謂無商不奸。」但係又點解釋呢排旺角水貨舖啲價全部平晒呢？大編輯話只不過班商人借勢趁匯率低減價促銷，日圓貶值不過係宣傳伎倆。佢重話真正隨日圓減價只有日本車，但佢哋好多都以美金埋單，做大額生意點會唔用波幅大嘅貨幣？最後佢話真正貶值只有日猿，唔係日圓，「𠵱家洗澡中的猿人好多壓貨，班東京拆家成日喊救命！『李高』真係要諗下橋至得。」大編輯確有見地，抵佢有十四個月糧。
主持人：大食Jack
八卦熱報：