從事電腦組件及資訊科技產品分銷嘅宏通（931），喺舊年10月，以每股60仙，發行4億股新股上市，集資淨額有成1.8億元，招股有兩倍超額認講。
宏通上市首日即潛水，經過兩個多月嘅收集，近周表現神勇，噚日又急升8%，收81仙，為上市以來新高，兼且有成交支持，成交金額近3500萬元。
經紀黃話，隻股一上市就跌破招股價，最低見過42仙。聽講幕後人士對股價咁差，肉痛到不得了，所以一路收集，收到咁上下，終於升番上招股價之上，兼且搵到炒家幫手。
乾炒始終唔長久，而且隻股其實唔係差，唔似夾硬搞上市嘅細價股，所以搞咗一輪後，終於搵到外資大行幫手出報告，引來一批機構性投資者留意，所以佢話隻股應該重有得去。不過，近幾日升得太急，可以等一等先至上車。