沙塵滾滾，恒指唔見272點，兩隻國內電訊股搞散個市。
中移動（941）散7.8%，隻唯一嘅認購輪1715唔見19%，未跌夠，咪貪平。聯通（762）跌4%，聯通冇輪，炒家輸少隻。
10大成交金額中，有隻新鮮出爐，就係冠軍公司輪1084，最高3仙，最低1.6仙，收1.9仙。211球易手，金額4百萬，榜上排第8。
1084明年1月夠鐘，行使價11.8仙，溢價50.5%，槓桿率4.8倍。隻輪溢價係高啲，但有得炒，理由有：冠軍（092）係彈跳力強嘅股仔，有波幅，1084嘅引伸波幅大，享有較高溢價亦好應該；冠軍偏低，正股有得睇，隻輪自然博得過；啱啱出爐，有排至夠鐘，冇咁快近1仙嗰頭；隻輪每手半球，價值1皮，係全市最大銀碼嘅窩輪，擺明唔想散仔買賣，目標價3仙。
動盪市中，中旅（308）只跌1仙，認購輪763跌2仙，收58仙，可以諗些少，有1分錢利潤到手即落車。