去年尾，原任萬事得GM嘅LeonardCheng突然請辭，各方面都有唔同嘅猜測；然而事隔不過半個月，鄭Sir經已上任新職，出任美國福特香港營業部嘅GM要職；之不過據知情人士透露，話鄭Sir遲吓重要肩負起某大汽車品牌嘅推廣新工作，而目前所要處理嘅事務，就係福特下半年嘅新車大計。其中，最有機會率先引入本港嘅，會係Focus嘅房跑版，一部用上2000cc偈同手波配搭嘅掀背型號；至於2002年下半年嘅重頭戲，大有可能會係𠵱家未正式推出，經已響歐美有很高評價嘅新一代Fiesta車系，若然成事的話，呢部正如劉德華響歌聲中嘅夏日Fiesta，或許會繼Ka之後，成為小車新熱潮都唔定㗎！