張柏芝早前因替無綫的《慈善星輝仁濟夜》表演飛車而不幸受傷，現時仍然留醫治療，前晚張國榮（哥哥）在向華強太太陪同下到浸會醫院探望柏芝，逗留了一會，哥哥離去時向記者說：「佢（柏芝）狀況幾好，我同佢都有傾偈。」
柏芝的同母異父姊姊戴碧芝及弟弟張豪龍昨日亦分別偕友到醫院探望，戴碧芝兩手拿着大批食物到醫院，她說：「柏芝今日情況幾好，多謝大家關心。」
此外，陳冠希（Edison）與許志安前晚為《慈》在電視城作現場表演時，Edison說：「我都未有時間去探柏芝，我覺得佢好勇敢，受傷後都咁鎮定，如果叫我去飛車籌款，只要善款多我都冇所謂。」而許志安亦表示會致電問候柏芝，他說：「我就唔敢做啲咁危險嘅動作，拍戲要喺十樓跳落嚟，我都要搵替身，寧願俾人笑冇膽。」