財政司司長官邸前廚師于燕平要逆市求生！八方知道，精通大江南北美食佳餚嘅于師傅，決定由下月三號開始，每晚都會筵開兩席，招待全港熱愛美食嘅各界人士咁話。話明求生，梗係要收錢啦，每位盛惠二百一十八大元，而地址就係炮台山。至於只係筵開兩席，係要保證菜餚質量喎。
顧客除咗可以品嘗于師傅炮製嘅菜餚外，重可畀錢上堂。于師傅開班授徒，重話包教曉㖭。費用方面就係每堂一百九十八元，包材料費同精美禮品一份，而成個課程就有四堂。效果係點就未知啦，但係咁都諗到，真係要寫個「服」字畀佢！
﹙圖﹚于燕平除了做晚市生意，還開班授徒。 資料圖片
E-mail：