美國Hummer一向予人嘅形象都係大大份，體積更與一部巴士無異，可謂十分巨型，因而未為普遍車迷所接受；而喺最近，美國Hummer就發表咗新款H2嘅資料，以吸引更多車迷注意。
從廠方所發布嘅相片中可以睇到，全新H2嘅外形仍保留有原來Hummer嗰分剛強個性，而車底經過強化嘅保護板，再加上四輪17吋巨型胎軨組合，就徹底地將呢個特點展露出來；除此之外，車廂配搭亦改以「民用化」為主，空間變得更大之餘，就連設備配搭亦以實用性強行先，從而增強用家覺得H2係一部民用版Hummer嘅感覺。
另一方面，新車配用一台6.0公升V8引擎，馬力輸出高達325匹，配合上廠方特別為H2度身訂做嘅懸掛組合，以及一套四驅系統，全都能令新車嘅行車表現更見出色。未知香港嘅車迷，有無機會見到H2嘅真身呢？