現年五十四歲的汪明荃（阿姐），昨日跟歌迷會「明荃之友會」的數十位fans，慶祝歌迷會成立二十四周年。阿姐的忠實fans王老太，為𠱁偶像開心，大破慳囊，送上一枚價值約三千元的鑽石戒指。
汪明荃（阿姐）和數十位fans，昨日在尖沙嘴香格里拉酒店，慶祝「明荃之友會」成立二十四周年，其間一位忠實fans王老太，送贈阿姐一隻價值約三千元的鑽戒，阿姐更即時戴上。
忠實影迷王老太送上價值約三千元的鑽石戒指予阿姐作新年禮物，王老太向阿姐說：「我知你鍾意鑽石，所以特登送隻鑽戒畀你做新年禮物。」阿姐收過禮物後便老實不客氣地立即戴上，她還邊戴邊說：「真係好靚啊，重好閃㖭。」
此外，阿姐對張柏芝日前為無綫籌款節目《慈善星輝仁濟夜》飛車演出受傷一事十分關心，她昨日連番追問記者柏芝傷勢的最新情況。
問阿姐是否曾遇同類意外？她說：「都有嘅，不過就冇咁大件事。我始終認為做呢啲危險動作一定要練習足夠，同埋要量力而為，講真你叫我飛車，我真係唔夠膽㗎。另外我諗TVB都要檢討番，因為𠵱家真係發生咗意外。」
那麼阿姐可會到醫院探望柏芝？阿姐則表示暫時不會，不過她已託朋友代她問候柏芝。阿姐並說：「其實𠵱家最重要係佢早啲好番，柏芝重要乖乖地聽醫生話，盡量同醫生合作，唔好亂咁郁。」
採訪、攝影：汪正文