Bandai主產「HotWheels」為紀念突破主產100萬架鐵車仔，廠方乘勢推出電腦黑魔特別版電單車仔，此電單車仍維持2吋長Size，造工不俗。由於係特別版，另附送兩個人形公仔，一個揸車狀及一個揸槍款嘅電腦黑魔公仔。
Bandai及Bullmark合作生產以扭蛋形式嘅「Bullmark魂」空心怪獸膠公仔，家陣Part2再度登場。今次呢套Part2共有6款，重有著名怪獸如巴魯坦星人、隕石怪獸卡拉蒙、甲蟲怪獸及紅王等怪獸。每款約有3吋高。
《小魔女Doremi》卡通片喺台灣及日本勁受歡迎。Bandai此套《小魔女Doremi》扭蛋公仔已經係第2套，每款約高3吋。5位女主角春風Doremi、藤原初貴、妹尾愛子、瀨川音符及飛鳥桃子實有份，BB女小花亦同場助陣。
記者：梁煒健 攝影：楊錦文