梁詠琪前晚舉行首場個人演唱會，不但賣大包，以入行七年來最性感的一面示人，而且其男友鄭伊健在現場觀眾的吶喊要求下，更踏上舞台為GiGi打氣，將GiGi整晚個唱的氣氛推至高峯。
梁詠琪（GiGi）一連三晚的處女個唱「GForGirlLive2002」，前晚假紅館正式開鑼。雖然GiGi與鄭伊健的戀情早已公開，但二人一向對感情事十分低調，甚少一起在公開場合露面。不過，伊健前晚為了支持女友，不但坐在觀眾席上細心欣賞，而且更在觀眾壓力下，上台為GiGi打氣，逗得GiGi心花怒放。
GiGi前晚在演唱會上穿上露背裝和超短裙示人，並五度感觸落淚。其間GiGi提到自己經歷過一段不開心的日子，每次情緒低落，她惟有去想一些支持她的朋友。台上觀眾聽畢大叫伊健的名字，GiGi卻說：「重有好多人嘅，例如屋企人同朋友，我成日同自己講，人哋嫌棄你唔緊要，但自己唔可以嫌棄自己。」說到此處，GiGi已泣不成聲，而GiGi的母親和胞弟，亦被其說話弄致感動落淚。
GiGi接着獻唱伊健的《一個為你甘去蹈火海的人》，台下觀眾不停大喊伊健的名字，希望坐在觀眾席上的伊健，一起上台跟GiGi合唱，但GiGi情深款款地望着伊健，然後忸怩地說：「唔好咁啦，佢好驚㗎，你哋唔好整佢啦，下次有機會先啦，時機未到呀！」
GiGi愈為伊健講說話，現場觀眾便愈鼓譟，結果弄至噓聲四起，情況一發不可收拾。不過，GiGi這招以退為進果然奏效，伊健見觀眾令女友無法繼續表演，只好上台為女友解圍，並在台上說：「畀小小機會我講嘢。我台就上咗喇，想點吖？今日演唱會好成功，我嚟支持我女友，你哋繼續欣賞演唱會啦！」說罷即匆匆落台。
伊健在台上說話期間，GiGi一時情深深地望着伊健，一時又含羞答答地垂着頭，一副冧樣。
事後GiGi接受記者訪問時，被問到伊健到場為她打氣，是否整個演唱會最令她感動之處，GiGi說：「其實最感動係一開場，我話等咗六年（開演唱會）嗰陣，但我都估唔到伊健會上台，真係熱情難擋。」
GiGi又說：「呢幾年我同伊健互相支持，𠵱家觀眾有認同，所以覺得好開心。」