八方反而想寫寫剛剛升任合和營運總監之胡公子胡民新。呢位公子，現年二十九歲，同佢老爹胡應湘一樣，都係畢業於普林斯頓；佢攞咗個機械及航天工程學位後，再去史丹福讀MBA，學成歸來，九九年加入合和，做經理，一年之後入董事會，現在已成欽定接班人。
八方噚日問胡應湘放唔放心交棒？佢話，教仔做生意，好似叫佢在身邊睇自己鋤大弟，始終要畀機會佢落場「甩」吓牌至有實戰經驗。佢重補充話呢個比喻係恒基主席李兆基講嘅。
胡應湘話𠵱家搞接班，係唔想等到兩腳一伸至張羅──啋，大吉利是咩！六十五歲之嘛，做特首都可能嫌你細。
E-mail：