香港環保行動Heat,前晚假中環添馬艦舉行名為「Speisen」的籌款晚會,傅天穎、林燕妮、鄭明明、何卓妍等都到場,身體力行支持環保。
潘廸生千金潘楚穎(DeeDee)與林建岳千金林恬兒均是Heat的核心成員,前晚二人更擔任大會司儀。每次Heat舉行推廣環保意識的活動,DeeDee、林恬兒與十多名成員都不遺餘力,林恬兒表示:「平日我嘅生活都好環保,好似沖涼用shower(花灑浴),就好過用bath(浸浴),唔使浪費咁多水嘛。我重特登讀咗個環保課程,認識多啲就可以幫Heat做多方面嘅嘢。」
雖然父親旗下時裝店多的是,但DeeDee表示:「我都鍾意買二手衫㗎!啲衫淨係着一次就會好浪費,以前喺美國讀書,我都會去freemarket買衫。」