入冬芥菜當造，好食之餘澀味亦較少。呢排喺街市嘅芥菜分別有連根及無根兩種。連根芥菜主要嚟自新界，價錢較貴，$6-$7一斤，而無根嗰種則產自中國嘅為多，一般約$4-$5斤。貨源方面，連根新界芥菜則唔多，只有小部分檔口至有，而且係呢排至常見，要買好趁手。冬天天氣較乾燥，芥菜滾湯清熱又滋潤。
記者：陳冰麗
豬爽肚肉較厚，食落比金錢肚更爽口及有口感，可以話係打邊爐另一新選擇。豬爽肚唔係好多地方有得賣，大型超市或部分較大嘅凍肉舖至有，有興趣試嘅話可以到吉之島昅昅。豬爽肚除咗用作打邊爐，亦可以配以胡椒粒煲湯，有暖胃驅寒功效，啱晒家陣凍冰冰天時飲用。
記者：陳冰麗