早前，保時捷車廠曾於各大國際性車展會場上，展出一部以高性能跑車形象出現嘅CarreraGT，頗受在場嘅車迷歡迎；然而，最近就有外國汽車傳媒，拍攝得到廠方測試CarreraGT時嘅照片，並謂新車快將於2003年推出㖭。
從相片中可以睇到，仍在測試中嘅保時捷CarreraGT跑車，造型與曾在各大車展會場上展出嘅概念型號相近，同樣擁有全新設計嘅低斜頭燈組合、19吋跑車合金胎軨，以及全新設計嘅尾翼等等，全都將CarreraGT嘅高性能跑車形象表露無遺。至於車廂配搭方面，CarreraGT亦來得吸引突出，除備有一雙承托力甚豐嘅桶形座椅外，以銀啡兩色作配搭嘅車廂布局，更予人有濃烈嘅高性能跑車味道㖭。
另外，新車所配用嘅一台5.5公升V10引擎，能輸出嘅馬力高達558匹，配合其極輕巧嘅車身配搭，因而能令新車嘅性能可發揮得淋漓盡致；而新車嘅跑車化懸掛組合，除能令行車更穩定外，巨型嘅碟式制動，亦能增強車子本身嘅制動性能，從而予人有收放自如嘅效果㗎。