幕前人難相廝守
楊崢甜絲絲待愛火重燃

名模楊崢近日經常與舊男友Orient4的髮型師Pius出雙入對，兩人日前更蒲蘭桂坊慶祝元旦，楊崢昨日甜絲絲地指仍在觀察Pius，但她卻謂與緋聞男友恭碩良是永遠的朋友。

名模楊崢、李彩樺（Rain）及Rosemary，昨日在灣仔的「香港時裝節秋冬系列2002」時裝任表演嘉賓。

「同恭碩良唔夾」
日前楊崢被記者拍下與前男友Orient4老闆兼髮型師Pius食飯，問到她是否與Pius復合，楊崢笑說：「𠵱家工作為上，嗰日咁啱一班朋友食飯啫。」那Pius是否正在重新發動追求？楊崢即時露出甜絲絲笑容說：「你問佢啦，𠵱家係觀察期，我一向好保守嘅，希望揀男朋友係一生一世。」至於會否再次接受Pius，她說：「佢都冇追我，再了解多啲先啦。」
早前楊崢曾與恭碩良傳出緋聞，問到她現在與恭碩良的關係怎樣，她笑說：「我同佢係永遠朋友，我一向宗旨都唔想同幕前人拍拖，而且我同佢係夾嘅話，一早就做咗男朋友啦。」

李彩樺中彩票
此外，阿Rain昨日穿上品牌21Lu的新裝，她表示除夕在澳門度過，她說：「我喺船度買彩票，得我一個人中，而且重係中兩次，雖然只得二十蚊，但代表新一年有好開始嘛！」
而Rosemary昨日被問到有否與男友Gordan一起過新年時，她甜絲絲說：「冇呀，我同家人朋友一齊倒數，男友冇出到嚟呀，不過佢送咗好特別嘅祝福畀我囉。」昨日未見其母Julie陪伴在側，Rosemary謂現在簡單工作都不用母親陪伴開工，因她已大個女。