鄭秀文昨日正式成為百事代言人，成功取代王菲和陳慧琳為百事拍廣告。Sammi昨日亦識趣地以藍、紅、白三色裝束示人，百事則送了一個心形水晶給Sammi作禮物。
鄭秀文（Sammi）繼王菲、陳慧琳後，成為最新一代百事女星代言人，她昨日往灣仔君悅酒店出席百事記者會。
Sammi昨日為配合百事的藍色主題，特別穿上一件藍色皮褸，襯以半截裙及長靴，Sammi更識做地罐不離手，盡顯其代言人身分，而百事亦贈送藍色心形大水晶給Sammi。
問到Sammi今次的廣告酬勞多少？她說：「價錢唔好講啦！總之好滿意。」談到她取代王菲與陳慧琳成為代言人，Sammi說：「其實唔好用取代呢個字眼，不如話接棒啦！之前張國榮、劉德華、王菲同陳慧琳都做得好好，希望我呢支棒會接得好好。」
問到Sammi往後是否會常以藍色服裝示人？Sammi說：「其實我都唔係咁多藍色衫，睇情況啦！咁又未必吓吓要成套藍色衫出嚟嘅。」
問Sammi會否和郭富城合作拍百事廣告，Sammi表示：「應該暫時都唔會，因為我哋傾嘅時候，都係獨立發展。」而Sammi今次則與百事簽了兩年合約。
此外，昨日有報道指Sammi在叱咤頒獎禮慶功宴中，並未有與楊千嬅交談，有傳兩人不和，Sammi說：「我覺得有時啲報道誇張咗，我覺得千嬅今年真係好努力。」
採訪：胡比
攝影：馬啟然