王秀琳（Mango）、姚樂怡和梁雪湄等人昨日在尖沙嘴，為Logitech新賽車遊戲軚盤宣傳。Mango即時試玩賽車遊戲，更大讚刺激好玩。
早前有傳Mango睇罷擎天半島樓盤後，在𨋢內嫌三嫌四，昨日她對此事大聲呼冤，她說：「我睇完篇報道真係激死我！我根本冇睇過擎天半島，何況我更加唔會喺𨋢度講秘密。」她續說：「冇錯，我係住舊樓，咁又點？我𠵱家係想搵屋租，唔係想買樓。」
至於Mango在剛過去的新城及商台兩個頒獎禮皆空手而回，問她會否感到失望？Mango表示並不介意，她說：「唔緊要啦，我入行一年，好多嘢都唔識，攞獎只係幫公司爭口氣啫。」
攝影、採訪：汪正文