身在上海拍電影的梁朝偉，聖誕節和新年都一個人孤伶伶度過，偉仔直言覺得好淒涼。講到「蒲精」女友劉嘉玲，偉仔面露不悅，不欲多談，並說除夕沒有致電嘉玲，又抱怨連母親也找不到，獨自在酒店過新年。
《記者盧雪琪、王光鴻上海直擊》梁朝偉昨日出席電影《天下無雙》於上海勝強飯店舉行的記者會，講到剛過去的聖誕節和新年，俱要在工作中度過，偉仔十分之感歎，並用淒涼來形容自己的慘況。
偉仔說：「呢個聖誕，個個演員都離開咗上海，連王菲都走埋，得番我一個人留喺度，咁我惟有約個梳頭去唱K，約個攝影師去篤波度過囉！除夕嗰日我重要開工，而倒數就一個人喺酒店房過，真係淒涼。
「往年新年我都係同屋企人過，今年打電話去畀我阿媽，但都搵唔到佢，肯定佢出咗去蒲啦！」
偉仔女友劉嘉玲今年聖誕在台灣度過，大除夕則應邀出席前男友許晉亨老友胡家驊一家在中環麗嘉酒店的派對，當晚她更對許晉亨父母照顧有加，兩老離場時，她儼如許家媳婦般悉心攙扶他們候車。其後更連趕兩場，到灣仔君悅酒店與張叔平等好友繼續狂歡。
記者問偉仔新年可有致電嘉玲，偉仔即時面色一沉，面露不悅說：「冇喎！肯定佢哋個個去咗happy啦，我就慘咯！估唔到今次輪到我嘞！」不過嘉玲於除夕夜向記者稱與偉仔有通電話互相祝賀，兩人口供明顯有出入。
記者提到嘉玲除夕夜在派對上的表現，偉仔表示知情，並說：「唔出奇吖！佢有同我講，普通朋友玩啫！」
偉仔不欲多說嘉玲，反而講電影則暢所欲言，他說：「我留長頭髮都係為咗配番個頭套，呢套電影同以往拍過嘅好唔同，好似童話故事咁，好感人。不過呢度比較落後，拍戲拍到好攰，返到去都冇熱水沖涼。」