梁朝偉、張震和王菲，昨日在上海出席電影《天下無雙》記者會，談到同片演員趙薇遭潑屎事件時，偉仔和張震都表示曾遭fans襲擊。
梁朝偉說：「我有一次去翡翠明珠戲院睇首映，試過俾人一巴打落嚟，搞到我𠵱家去睇首映都有啲陰影，呢個世界總有啲人唔鍾意你。其實趙薇件事冇咁嚴重，只係有人唔鍾意你，所以專登整蠱吓你啫！」
張震則說：「佢（趙薇）有同我講佢俾人推跌落地，然後起身拍拍衣服就冇事。其實我喺台灣都試過俾人打後腦，呢件事唔係趙薇嘅問題，係工作人員嘅錯，保安做得唔好。趙薇為人樂觀，容易啲面對呢件事。」
此外，剪了新髮型的王菲，昨日表示分不清楚自己在戲中的男、女扮相，導演劉鎮偉即窒她說：「分得好清楚，得你一個唔知啫。」