陳昭昭、李思蓓及華裔小姐盧淑儀前晚打扮性感，出席韓片《JSA安全地帶》首映。三人不約而同慨歎身邊沒有男友作伴，陳昭昭更表示不介意喜歡的人分享她辛苦賺來的積蓄。
陳昭昭、吳文忻、李思蓓、九七年國際華裔小姐冠軍盧淑儀與張德豪，前晚於灣仔會展出席電影《JSA安全地帶》首映禮。陳昭昭、盧淑儀及李思蓓三人均以性感衣着示人，但三人都不約而同大歎沒有男友陪伴感空虛。
一身性感打扮的陳昭昭，談及自己辛苦賺錢的感受時，突然抱怨說：「長遠嚟睇，我有錢可以同鍾意嘅人兩份使。但我𠵱家冇人追，搞到我懷疑自己嘅魅力，都有反省㗎，我自從拍完《性在任你CALL》之後，到𠵱家已經年幾冇拍拖。」有謂是她性感形象令男士們卻步，昭昭反對說：「我唔性感呀。我抗議香港啲男人太細膽，佢哋怕同我拍拖會俾記者影相，唔想出風頭先唔敢追我。」
陳昭昭現時邊讀書邊做生意，她表示沒有同學追求，昭昭說：「我返學冇化妝好樣衰㗎，邊有同學追喎。」
盧淑儀亦表示現時沒有男友，她說：「我新年喺香港過，冇男友陪，不過都唔會覺得悶，因為我覺得工作重要啲。」而有日籍賽車手男友福田良的李思蓓則說：「聖誕同新年我男友都冇嚟，不過送咗份小禮物畀我。」而吳文忻則一臉幸福謂男友送了一隻手表給她作聖誕禮物。
採訪：甘 比
攝影：羅德光