上周八方同大家講過阿松新屋就快入伙，記者當然好緊張財爺幾時搬新屋，所以呢幾日消息滿天飛，一時話聖誕前阿松就自己搬入新屋，搬屋公司都慳番，一時又話影到阿松一月一日遷入，唔知信邊個。
其實八方八到阿松的新屋原定十二月十五日完工，但因為多手尾未搞掂，延期至二十六日先清場，如果阿松聖誕就搬入去住，唔通佢鍾意對住泥頭垃圾瞓覺？財爺的發言人就回覆話，其實這幾天阿松都已陸陸續續搬緊嘢入去，並非好似大家想像咁一次過幾個鐘搞掂。
咁都好合理，咁大間豪宅，由聖誕搬到新年一啲都唔出奇。八方昨日又見到一車二車進入財爺官邸，包括送花草樹木嘅園藝公司。八方都好期待財爺即將對記者發出的參觀新居的邀請，看一看這家財爺官邸易主之後有何變化。
﹙圖﹚財政司司長梁錦松的新官邸咁大，當然有排搬，昨天就輪到搬花花草草為新屋添生氣。
E-mail：