上個禮拜去咗上海兩日，主要係中國第五富豪許榮茂在上海個世茂濱江項目有活動。八方應邀去湊吓高興，由於時間短，行程主要係睇樓盤，其他冇乜點玩，只係去過羅康瑞個新天地食咗一餐。不過上海啲地盤，又真係令人印象深刻。
近距離接觸許榮茂，發覺佢都幾低調，但在上海房地產界，啲行家就當佢係「巨鱷」。呢個榮登今年《福布斯》中國富豪榜嘅新貴，最近剛剛買咗香植球舊居──半山玻璃屋「創世紀」，不過佢話唔係買嚟住，係買嚟拆。
許榮茂最討厭嘅事係應酬，最難忘嘅事係冇，最喜歡嘅城市係巴黎，最鍾意睇嘅書，就係《李嘉誠傳》。
E-mail：