有唔少家長fans嘅「家長與學校合作事宜委員會」主席狄志遠，今日起正式放下包括家校會主席等四個教育公職，會喺二月由𠵱家任職嘅路德會社會服務處，跳槽到耆康老人福利會做總幹事。為咗成功做阿伯阿婆「殺手」，佢話會盡快轉tone，等第日可以同長者溝通。
喺搞教育事務嘅八年期間，阿Dick話最開心係見到好多學校成立家長教師會，但就有啲唔忿氣政府冇落實畀家長加入校董會。據講，呢個做晒公眾諮詢嘅校本管理改革建議，係因為一啲「有力人士」向政府高層出聲，所以未能落實。計八方話，阿Dick唔做教育公職都可以繼續為教育界出力，一於據理力爭，等家長可以加入校董會。
（圖）狄志遠下月起轉職為耆英服務。
E-mail：