二○○一年過去了，二○○二年今日開始。恭喜你，咁艱難的二○○一年都冇難倒你，今日重可以花六蚊歎吓《蘋果》，算係咁啦！
每一個新年開始，我哋都應該歡喜若狂，充滿信心地去面對，尤其今年，因為去年風浪實在不小，但疾病沒有絆倒我哋、經濟沒有拖垮我哋、燒炭風沒有吹逝我哋、民航機沒有撞死我哋、轟炸機沒有炸散我哋……算係咁啦！
在新的一年，相信香港環境不會好到哪裏去，但又一定不會差過去年。既然去年我哋都可以捱過，今年又有乜嘢理由唔掂？
不過，記得今年不要寄望別人來拯救，尤其是政府，就算政府不是無能，但一定不是萬能，求佢不如求自己。
《蘋果》都有新年願望。公信力高啲、讀者多啲、錢賺多啲、官司少啲、工傷意外少啲、錯誤少啲、炒人少啲、陽光故事多啲、悲劇少啲、獨家猛料多啲、例牌行貨少啲……。
堅哥電郵：
逢周二、四、六刊出