無綫繼《一筆OUT消》後，緊接推出另一遊戲節目《智在必得》，由鄭丹瑞（阿旦）擔任主持，將於本月二十一日起，逢星期一至五晚上播映，暫定六十五集，昨日特於尖沙嘴香格里拉酒店舉行記者會。
阿旦已有三年未有跟無綫合作，今次獲委以重任感到十分高興，他說：「今次對我嚟講係個考驗，無綫都好好，專登幫我買咗好多套衫做主持。」而今次阿旦單是節目的服裝費，已高達五十萬。
問到阿旦是否因商台減薪而要賺外快幫補生計時，阿旦即耍手擰頭說：「唔好講呢啲嘢，今次合作係三年前嘅價。」不過節目監製陳志球卻踢爆阿旦，他說：「今次邀請阿旦係加碼，貴過以前㗎！」